9 reunión do club de fantasía

    Aquí vos deixo o vídeo. É unha mágoa que o alumnado de 1 ESO C e D non puideran vir, pero nestas datas, cos exames, é compricado. O mesmo lle sucedeu aos veteranos do club.

Estupor y temblores (reseña por Laura R.)

O libro trata sobre unha belga que comeza a traballar nunha empresa xaponesa e pola diferencia entre culturas, os xefes comezan a tomarlle o pelo pero ela non se entera, ata que lle empeza a parecer inxusto os castigos que lle impoñen.
Este libro gustoume moito porque fíxome rir e pasar un bo rato lendo, ademáis diso, aprendín un pouco da cultura xaponesa. Recomendo ler este libro para a xente que lle guste rir e aprender máis sobre outra cultura.

La carretera (reseña por Geli L.)

RESUMEN:

O libro trata sobre a viaxe emprendida entre un pai e un fillo en busca da súa salvación a cal é a costa, nun lugar desolado e apocalíptico. A súa vida vese ameazada pola presenza de caníbales e a falta de alimento, o único que teñen é o un ao outro.

OPINIÓN PERSOAL:

O libro gustoume moito, aínda que é unha historia moi dura e con momentos bastante crudos, representa o amor e do que é capaz de facer un pai polo seu fillo. Non só é unha historia de supervivencia, senón que tamén unha historia na que o máis importante é a esperanza. Unha esperanza na cal o pai trata que o seu fillo se aferre
Foi un libro un poco difícil de ler, porque imaxinar a un neno nesa situación é moi doloroso, pero o que realmente me atrapou foi a manera de escribir do autor. E é un libro que recomendaría a calquera.

12ª reunión do club manga.

Última reunión do ano. Xa chegan os exames e temos que adicarlle máis tempo aos estudos e un pouco menos a ler manga.

Curro troúxonos moitas camisetas de agasallo con motivos de Marvel, Pokemon, Street Fighter, etc...
Regaloullelas para nós un amigo que é diseñador de moda e que veu a Comic Moaña cos seus fillos.

Esta é unha reunión un pouco triste porque é a última. Moito debate filosófico a partires e Ghost in the Shell. Os pequenos din que eles hai cousas que non entenderon. Curro di que el tampouco. Os maiores as explican y segue o debate. Menos mal que toca o timbre para voltar a clase, porque poderíamos estar falando ata mañán.  E iso que esta vez non saiu o tema do anime ou da película.

8ª Reunión do club dos clásicos

Acaloradísimo debate sobre o final do libro: son os bos ou simplemente lle din eso a Chico para logo comelo? Polo que limos ata aquí, o lóxico sería que non tivesen boas intencións, pero... quen sabe? Hai opinións para todo.

Tamén fixemos unha reflexión sobre a personalidade de Padre. Neste mundo postapocalíptico onde as persoas perden a humanidade, o único que lle resta a Padre, e que o mantén como humano, é o amor polo seu fillo. Neste sentido é moi significativo o contraste coa nai e a escena onde lle recrimina ao seu marido que lles salvase a vida, perde a esperanza de atopar un lugar onde vivir a salvo e marcha sola cara o suicidio.

Novelón.

8 reunión do club de fantasía

Estamos a ter problemas porque somos tantos que non hai libros para todos. Compramos trece, pero a intendencia e compricada. Ainda que os rapaces len rápido, tardamos moito en pasalo dun a outro. Nesta reunión so a metada tiñan lido o libro porque non tiveron acceso a él. Comprometémonos a ser responsables e que na próxima todos teñan a oportunidade.

Queda fixada a data para falar con Iria e Luz. Será o seis de xuño.

Cómic Moaña 2019

Unha fin de semana inesquecible. Outra máis e xa van tres. Noraboa a todos os organizadores e gracias a todos os nosos amigos que viñeros para compartir esta experiencia con nós.

Gracias Víctor Gómez por quedarte tanto tempo con nós falando de cómics e ensinándonos tantos trucos para debuxar. Es un tío xenial.

Velaí tedes o vídeo.

7ª Reunión do club dos clásicos

    Seguimos lendo La Carretera. So restan dúas persoas para terminar o libro. Non queremos facerlles spoilers, así que deixamos o debate sobre o significado do final para a seguinte reunión. H confésase traumatizada pola escena do recién nacido asado ao espeto. Todos estamos de acordo en que é unha escena durísima, pero tamén en que ten significado dentro da novela. Non é violencia gratuita nin moito menos. Cormac McCarthy quéremos levar a un mundo onde as condicións de vida sexan o máis duras posibles. Sen as condicións mínimas para garartir a subsistencia, os seres humanos perdemos todo o que temos de humanidade y por iso aparece unha escena como a da nai que se come ao seu recén nacido. O mesmo sucede coa bodega humana. A humanidade, para selo, ten que ter as condicións mínimas para poder sobrevivir cubertas. En caso de que teñamos que loitar cada segundo para poder sobrevivir, sae o instinto e volvémonos animáis. A humanidade, para selo, ten que existir en sociedade.

11ª reunión do club manga.

Xa temos lido o primeiro volumen de Ghost in the Shell. Este manga non é moi longo, así que agardamos rematalo antes da seguinte reunión. En xeral está a ter boa acollida, sobre todo entre os maiores do club. Todos poñen en valor o contido filosófico da historia. Cara onde nos leva a biomedina?

Apenas temos dúas semanas antes da Comic Moaña 2019 e aínda temos tanto que facer! Hanerá que vir máis tardes

El hombre garabateado (Reseña de Rosa M.)

"El hombre garabateado", un thriller fantástico que presenta unha familia cun misterio que abarca varias xeracións, e un asesino que anda tras a familia. A historia é atrapante, e os debuxos son moi expresivos.

Recomendaría totalmente este cómic. É moi fácil de ler, e é tanto orixinal como atraínte.

El hombre garabateado (reseña de Álvaro Portela)

Eu lin  “El hombre garabateado” , un cómic que me pareceu moi interesante e divertido. Nos propón unha historia misteriosa onde queremos saber o que pasa en todo momento. Ademáis os debuxos están moi ben feitos, en branco e negro e cun toque de personalidade que lle aporta orixinalidade.

Recomendo moito este cómic, porque te sumerxe nunha trama profunda e atractiva onde non podes parar de ler. Ademáis non quita moito tempo por que se le moi rápido

7ª reunión do club de cómic tradicional.

Brutal. Unha historia que engancha dende o primeiro momento. Gustoulles moito. Ainda que non é un cómic para falar durante horas, é unha lectura trepidante. Os alumnos tamén puxeron en valor o debuxo, con moita personalidade.
L é unha rapaza que chegou hoxe nova ao noso club. Di que non lle gusta o cómic, pero vir un pouco por ver e porque veñen os seus amigos. Vai ler El hombre garabateado. A ver qué lle parece.

7 reunión do club de fantasía

Incríble acollida por parte do alumnado de primeiro da ESO. Agora somos tantos no club, que non collemos nun aula normal e temos que ir ao salón de actos.

Nesta reunión damos a benvida ao novo alumando, explicámoslles como funciona o club e falamos do novo libro que imos ler. Hai propostas para todo. Curro di que cabe a posibilidade de que, en caso de ler A casa do Paralelo 54, veñan a autora Iria Collazo e a ilustradora Luz Beloso, a proposta ten boa acollida e optamos por este libro.

Quedamos para o mes que ven.

Ainda non podemos empezar a ler porque somos tantos que Curro non sabe como vai facer para ter libros para todos.